Fréttasafn

Miðvikudaginn 2. júní 2010 verður sumarhátíð í leikskólanum Árbæ.  Sumarhátíðin er á vegum foreldrafélagsins.
Hátíðin byrjar kl. 14 og stendur til kl. 16.  Foreldrar og aðrir aðstandendur eru velkomnir.
Boðið verður upp á snúða, kókómjólk, skyrdrykk og ís

Þriðjudaginn 11. maí útskrifuðust börnin sem fædd eru 2004 frá Árbæ.  Athöfnin fór fram frá Tónlistarskólanum.  Ýmislegt var gert til skemmtunar.  Börnin halda flest áfram í leikskólanum, en fara svo öll í skóla í haust.

Miðvikudaginn 2. júní 2010, verður vorhátíð í Árbæ. 
Hátíðin byrjar kl. 14 og stendur til kl. 16.  Foreldrar og aðrir aðstandendur eru velkomnir.

Í morgun fóru öll börn í Árbæ í gönguferð í Múla hús Tónlistarskóla Árnessýslu. 

Miðvikudaginn 17. mars bauð foreldrafélag Árbæjar börnunum upp á leiksýningu.   Sýningin heitir Alli Nalli og tunglið og er sett upp af Möguleikhúsinu. 

Börn fædd 2004 sem eru í leikskólanum Árbæ fóru í gær í tónlistarskólann á æfingu fyrir tónleika sem verða seinna í mánuðinum.  Myndir frá æfingunni eru á vef Tónlistarskólans www.tonar.is

Daglegt líf í leikskólanum

Eins og áður er sagt er Árbær  fjögurra deilda leikskóli sem er 639,8 fm að stærð. Húsið skiptist í fjórar deildir og miðrými. Hver deild hefur þrjú herbergi til umráða ásamt lítilli geymslu og snyrtingu barna. Í sitt hvorum enda hússins eru herbergi sem allar deildir skiptast á  að nota. Annað þeirra er notað í listsköpun og hitt  undir byggingarkubba og hlutverkaleik. Tveir mjög rúmgóðir fataklefar með salernum við útihurð eru sitt hvorum megin í húsinu. Í miðrými er eldhús, þvottahús, ræstigeymsla, kaffistofa, skrifstofa leikskólastjóra, salur, undirbúningsherbergi, viðtalsherbergi, salerni fyrir fatlaða og fataklefi og salerni starfsmanna.

Deildirnar eru nefndar eftir örnefnum í Fosslandi og heita þær Kringlumýri, Stekkjarlækur, Fosskot og Kotatún (Guðmundur Kristinsson. Ath.

Útileiksvæði Árbæjar snýr í suður og lóðin er umkringd trjáplöntum sem eiga eftir að skýla fyrir kuldastrekking sem kemur frá ánni þegar þeim vex ásmegin.

Vestan  við húsið er gróðurhús sem við fluttum með okkur frá “gamla”Árbæ. Þar eru ræktaðar gulrætur, tómatar, paprikur, gúrkur, jarðarber o.fl. Einnig er safnkassi fyrir lífrænan úrgang og lítill reitur fyrir kartöflur.

Heilsuleikskóli

Leikskólinn stefnir að því að tileinka sér viðmið heilsuleikskóla og hefur notað heilsubókina sem matstæki í þrjú ár.Í viðmiðum heilsuleikskóla stendur m.a.:

Hreyfing

Umhverfið þarf að bjóða upp á aðstöðu bæði úti og  inni til að þjálfa jafnt gróf- og fínhreyfingar til að styrkja barnið líkamlega, andlega og félagslega. Markviss hreyfiþjálfun hefur einnig áhrif á málþroska og málskilning barna og þar með eykst félagsfærni og leikgleði sem eykur vináttubönd.

Næring

Stuðla skal að góðum matarvenjum og hollustu. Gæta skal þess að hafa fæðið sem fjölbreytilegast og nota sem minnst af fitu, sykri og salti. Vatn skal vera aðgengilegt fyrir börn og starfsmenn.

Efling á sjálfsvirðingu

Umhverfi og aðstæður eiga að veita barninu öryggiskennd með því að búa því hlýju, festu og takmarka óæskilegt álag. Ánægjulegt vinnuumhverfi eflir gagnkvæma virðingu, sjálfstraust, samkennd og samstöðu og samstarf allra í samfélagi heilsuleikskólans.

Umhverfisvernd

Leitast skal við að móta umhverfisstefnu. Gæta skal ábyrgðar og virðingar fyrir náttúrunni og umhverfinu.

(Anna Björg Aradóttir, Anna Lea Björnsdóttir, Guðlaug Sjöfn Jónsdóttir, Unnur Stefánsdóttir. 2002).