Í gær 2. júní var haldin sumarhátíð í leikskólanum Árbæ. Fyrir hádegi voru deildirnar með ýmsar uppákomur í garðinum. Snú, snú, krítar, sulluker, sápukúlur, andlitsmálun, þrautabrautir og málningu. Ekki spillti veðrið fyrir sól og blíða.
Eftir hádegi tók svo foreldrafélagið völdin og þá kom slökkvibíll, dráttarvél og síðast en ekki síst mætti Íþróttaálfurinn á svæðið. Solla stirða gat ekki mætt vegna veikinda. Foreldrafélagið bauð einnig upp á ýmsar veitingar eins og snúða, kókómjólk, latabæjarís og latabæjarvatn. Gerðu börn og foreldrar þessu góð skil.
Stjórn foreldrafélagsins stóð sig frábærlega við skipulagningu á þessari hátíð.