Árbæjarfréttir

Í september og október verður unnið með

dyggðina

Þriðja maí 2007 fékk Árbær vottun sem Heilsuleikskóli. Síðan 1999

hefur starfsfólk við leikskólann notað Heilsubók Unnar Stefánsdóttur

til að meta þroska og framfarir barnanna og þróað og dýpkað

leikskólastarfið með heilsuna í huga. Bókin er nokkurs konar

einstaklingsnámskrá hvers barns sem það fær að gjöf í lok

leikskóladvalar sinnar.

Eitt helsta markmið Árbæjar er að efla félagslega færni

einstaklingsins en samkvæmt Daniel Goleman sem skrifaði hina

þekktu bók Tilfinningargreind vegur það þyngra að vera félagslega

læs á umhverfi sitt en hin svokallaða greindarvísitala. Þetta fellur vel

að Heilsustefnunni, því að í viðmiðum heilsuskólanna kemur fram

að skilgreining á heilsu er sú að góð heilsa er andleg, líkamleg og

félagsleg vellíðan. Það er hægt að vera við góða heilsu þrátt fyrir

sjúkdóma eða fötlun

Dyggðakennsla eða lífsleikni nám barna í Árbæ birtist í öllu starfi

og stefnu leikskólans og felur í sér viðleitni til að dýpka skilning

barnsins á sjálfu sér. Lífsleikni barna er efld með því að örva

tilfinningaleikni þeirra í gegnum dagleg samskipti og á skipulagðan

hátt. Sé börnum skapað leikumhverfi þar sem sköpun og sjálfstæð

hugsun fær að njóta sín þá eflist leikni þeirra til að takast á við

umhverfið. Þegar börn læra að bera virðingu fyrir sjálfum sér,

styrkist sjálfstraust þeirra og þau verða hæfari í samskiptum við aðra.

Af því leiðir að börnin eiga auðveldara með að fara eftir þeim

reglum sem ríkja í samfélaginu og læra að bera virðingu fyrir

umhverfinu og margbreytileika einstaklingsins (Skólanámskrá

Árbæjar:9).

Markmið verkefnisins er að stuðla að heilbrigði og velferð barna í

Árbæ. Menntun barna í Árbæ á að gefa börnunum tækifæri til að

þroskast á eigin forsendum, rækta hæfileika sína og undirbúa þau til

að lifa í frjálsu þjóðfélagi í anda skilnings og friðar

Tilgangur verkefnisins er að efla líkamlega og andlega hreysti

barnanna. Einnig að skoða hvernig starfsfólk getur ýtt undir og stutt

námsferli barna þar sem frumþörfum barnsins fyrir kærleik, frelsi,

virðingu og gleði er mætt. Árbær er Heilsuleikskóli þar sem áhersla

er lögð á hreyfingu, hollt mataræði og listsköpun.

Með þátttöku í verkefninu breytir starfsfólk eða bætir eigin

starfsaðferðir til þess að ná markmiðum verkefnisins. Það bætir við

þekkingu sína og gefst kostur á að tengja fræðin við starfið. Með

virkri þátttöku og skapandi vinnu öðlast starfsfólk í Árbæ aukinn

skilning á kennslustarfi í leikskólum. Það styrkir það í að hrinda

nýjum hugmyndum af stað í eigin kennslu og gefur því færi á að

þróa hugmyndir um nám og kennslu á leikskólastiginu. Reynslan

sem starfsfólk öðlast við það að vinna verkefnið verður því hvati til

áframhaldandi sjálfsskoðunar og þróunar í starfi.

Markmið leikskólastarfs er að hlúa að börnum andlega,

vitsmunalega og líkamlega (umhyggja og umönnun). Þá er ekki

einungis átt við fallegt bros og hlý faðmlög heldur fremur tengsl og

samskipti barna og fullorðinna og hvernig þörfum barna er mætt. En

eitt aðalmarkmið leikskólastarfs er að hlú að þörfum barna, hugtakið

nær yfir þarfir eins og ást og öryggi, þörf fyrir aðra og vellíðan.

Jafnframt er hugtakið réttindi mikilvægt þegar fjallað er um

leikskóladvöl barna og að börn taki þátt í því að byggja upp skilning

okkar á þörfum þeirra.

Leiðin að markmiðum verkefnisins

Verkefnið skiptist í fimm áfanga:

1. Mat unnið af starfsfólki, foreldrum og börnum. Matið er

eftirfarandi: Mat unnið 28. apríl til 4. maí 2010 af starfsfólki.

Mat barna maí til júní 2010. Mat foreldra í september 2010.

2. Einu sinni í mánuði frá 1. september 2010 til 1. júní 2011 er

tekið myndband í 30 mín af barnahóp ( 2 eða fleiri, þarf ekki

að vera sömu börnin) á hverri deild þegar hópurinn er í leik.

Starfsmannahópurinn á deildinni horfir á

myndbandsupptökuna á deildarfundi sem haldinn er einu

sinni í mánuði og ræðir sín á milli um efni myndbandsins og

skráir hjá sér um ákveðna þætti

3. Mat 1. desember 2010. Matið er mat barna, foreldra og

starfsfólks. Aðferðin er spurningarlistar.

4. Vorið 2011, frá apríl til júní 2011 meta börn, foreldrar og

starfsfólk leikskólastarfið. Matið er borið saman við matið frá

haustinu 2010. Niðurstöður verkefnisins eru tilgreinda og

ályktun dregin af niðurstöðunum. Leitast er við að svara

rannsóknarspurningunni: Skapar skólabragur velferð barna.

5. Skýrsla sett á Internetið, heimasíðu Árbæjar.

Mæta þarf eftirfarandi frumþörfum mannsins í öllu

heilsuleikskóla-samfélaginu, bæði einstaklings- og hópbundið.