Stundum erfitt að vakna Græni og rauði hópur sýndu leikritið Svarta Kisa
Má bjóða þér kaffi ? 🙂
jafnvægisæfing Einn tveir og hoppa
Gott að hvíla sig eftir hamaganginn í salnum allir leiðast í upphafi og lok stundar og syngja lag
Ákvað að birta hér nokkrar myndir frá starfinu í vetur, eins og þið sjáið er margt brallað og leikið. Það er svo gaman að sjá hvað leikurinn hefur þróast hjá börnunum í vetur. Þau eru orðin mjög flink. Í dag er bolludagur og ætlum við að borða bollur í öll mál, í hádeginu fáum við fiskibollur og svo með kaffinu fáum við að sjálfsögðu rjómabollur. Á morgun Sprengidag ætlum við að borða saltkjöt og baunir og á miðvikudag ætlum við að hafa náttfataball í salnum klukkan 10, þar sem kötturinn verður sleginn úr tunnunni. Inn á deild eftir ballið fáum við okkur svo popp. Þannig að það er mikið fjör þessa dagana.
Í næstu viku verður blár litadagur á miðvikudeginum 12. mars. Á mðvikudeginum þar á eftir þ.e. 19. mars ætla ég ásamt Brynju deildarstjóra á Kringlumýri, að skella mér út til Bretlands á sýningu. Við ætlum á sýningu sem nefnist Education show og er haldin í Birmingham. Þetta er sýning á námsgögnum og ýmsu sem nota má í kennslu, eflaust fáum við einhverjar hugmyndir, það er nauðsynlegt að fara svona annað slagið og sjá eitthvað nýtt. Svo ég verð ekki í vinnu dagana 19. – 21. mars.
bestu kveðjur frá okkur á Fosskoti
Nú þegar mars er hafinn þýðir það að merking inn í heilsubók er að hefjast og svo verða foreldraviðtölin í apríl, þegar þeirri vinnu er lokið.