Sæl Eftir langa bið er loks að koma smá fréttabréf frá okkur. Nú er desember genginn í garð og verður þá ýmislegt skemmtilegt á döfinni hjá okkur. Við förum t.d. í kirkjuheimsókn, það verður rauður litadagur, foreldrakaffi, jólagluggi og jólaball. Þið getið séð nákvæmari dagsetningar á dagatali fyrir mánuðinn sem hangir á hurð deildarinnar. Kærar aðventukveðjur frá Stekkjarlæk.
Sæl Frá okkur er allt gott að frétta. Síðustu tvær vikurnar hafa verið mjög skemmtilegar. Við erum að byrja með hópastarfið og krakkarnir allir búnir að vera fara kubba- og listakot, í salinn og í tónlist. Til dæmis fingramáluðu allir í gær og svo var listaverkinu þrykkt á blað og fáið þið að sjá afraksturinn upp á vegg á næstunni.
Hafið það gott um helgina Kv Brynja H
Örlítil viðbót við póstinn. Ykkur er velkomið að senda mér myndina í pósti ef það hentar ykkur betur. Kv Brynja H Hjá okkur hefur heilmikið verið að gera þessa vikuna. Þrjú börn byrjuðu á deildinni og einn nýr starfsmaður. Starfsmaðurinn heitir Harpa Hrönn og verður að vinna milli kl. 13-17. Við erum svo lukkuleg að hafa fengið hana, að við brosum eyrna á milli. Í vikunni kólnaði ansi skart eins og flestir urðu varir við og því vil ég minna ykkur á að börnin hafi vettlinga, húfur og að minnsta kosti eina hlýja peysu (lopa eða flís) ásamt öðrum útifatnaði í hólfinu. Hópastarfið hefst svo í næstu viku. Við ætlum að taka fyrir þemað “húsið mitt” og langar okkur til að biðja ykkur foreldrana um að taka mynd af barninu þar sem það stendur fyrir framan heimili sitt. Myndina kemur barnið svo með í leikskólann þar sem við hengjum hana upp á vegg og notum okkur í hópastarfinu með barninu. Með von um góð viðbrögð og góða helgi.
Komiði nú sæl !
Það var nú aldeilis tími til kominn að setja einhverjar nýjar fréttir hingað inn. Nú er hópastarfið byrjað á fullu og mér sýnist allir vera glaðir með það.
Það er gott að geta unnið í litlum hópum, þannig skapast skemmtileg tengsl milli barnanna og þau fá betra tækifæri til að láta ljós sitt skína.
Ég er búin að senda öllum foreldrum dagskipulagið og vikuskemað þannig að nú er hægt að fylgjast vel með.
Mig langar að minna ykkur á að merkja útifötin vel og einnig að gæta þess að aukafötin séu meðferðis í töskunni.
Með bestu kveðjum frá okkur öllum,
Anna Hrund
Mig langar að minna á tvennt. Mjög gott væri ef börnin hefðu í leikskólanum stuttbuxur til að nota í salnum, svo þau séu ekki haupandi um á nærfötunum. Einnig langar mig til að minna ykkur á myndina af barninu fyrir framan heimili sitt. Endilega sendið mér myndina bara í netpósti.
Hæ hæ
Brynja Hjörleifs
Komið þið sæl
Sæl Komið þið sæl
Sæl Komið þið sæl
Sæl Komið þið sæl
Sæl Komið þið sæl
Fyrst vil ég þakka fyrir góðan fund á miðvikudaginn. Ég fékk ábendingu um að ykkur þætti eflaust gaman að fá smá samantekt á vikunni senda í pósti og ég ætla að reyna hvað ég get að standa við það.
Þessa vikuna hefur verið heilmikil útivist enda langar okkur til að nýta góða veðrið á meðan það endist. Það hafa líka verið 4 börn hjá okkur í aðlögun þessa vikuna og gengur sú aðlögun eins og í sögu.
Á næstu vikum byrjar eiginlegt hópastarf þ.e. við förum að fara með börnin reglulegar í salinn, kubbakot, listakot og tónlist og má sjá dagskipulagið okkar og hópskiptingarnar fljótlega inni á heimasíðu deildarinnar http://arbaer.arborg.is/ .
Út frá umræðum sem voru á fundinum hef ég ákveðið að ég muni ekki setja reglulega inn myndir frá deildinni á síðuna heldur frekar senda ykkur þær í netpósti.
Við hlökkum mikið til vetrarins
Með bestu kveðju frá Stekkjarlæk Brynja Hjörleifs.
Velkomin á Stekkjarlæk!
Það er ansi margt farið að gerast hjá okkur á Stekkjarlæk núna þegar líða tekur að hausti. Við erum að byrja að skipta börnunum í hópa og velja hópstjóra.
Þann 8. september verður foreldrafundur með öllum foreldrum deildarinnar milli 8:10-9:00 í sal skólans. Þar munum við fara yfir vetrarstarfið og annað sem kemur að starfi deildarinnar.
Ég vil minna foreldra á að börnin séu klædd eftir veðri, eitthvað hefur borið á því þessa köldu morgna að börn hafi ekki haft nóg af hlýjum klæðnaði eða húfan gleymst heima.
kv Brynja
